Uxía Pérez – GL

“Pensar é aprender de novo a ver, a estar atento; é dirixir a propia conciencia, facer de cada idea e de cada imaxe, á maneira de Proust, un lugar privilexiado.”  – Albert Camus

A miña chegada ao mundo do marketing non foi un camiño lineal nin constante. A pesar de realizar a miña primeira formación en Marketing e Publicidade, unha vez rematou, empecei os meus estudos en Ciencia Política co afán de coñecer mellor o mundo que me rodea. Sempre fun moi curiosa, e foron esas inquietudes as que me motivaron a comezar. O sorprendente foi chegar e decatarme de que o marketing seguía na miña vida en forma de “Comunicación e Marketing político”.

Unha vez rematei a carreira, decidín poñer fin á miña etapa formativa volvendo ao principio e estudando así un Máster en Tecnoloxías de Marketing e Comunicación, grazas ao que puiden acceder a IUNI.

Espero que isto sexa só o comezo doutra nova etapa da miña vida e que a investigación de mercados me acompañe moitos anos máis.