Loly Martínez – GL

Descubrín o marketing mentres estudaba Ciencias Empresariais. Foi un flechazo. Un amor que seguín cultivando. Gústanme as relacións duradeiras. Gústame tanto que probei o marketing do dereito, do revés, de arriba abaixo… en fin, que traballei en marketing desde o lado da axencia, desde o lado do anunciante e como formadora, así que só me quedaba por probar a consultoría. Que mellor lugar para facelo que iuni?

Cando coñecín ás persoas que forman iuni, a súa filosofía de traballo e de vida, que se declaran marketeiros con ollo no cliente, fíxome claro que este podía ser un bo lugar no que recalar. Porque defendemos as mesmas cores, tiñamos que ser do mesmo equipo. Así que, alégrome de estar aquí e medrar xuntos.

Unha marketeira con ollo no cliente.