María Seoane

“Cando hai paixón a cabeza non para.”

Despois de máis de 15 anos de carreira profesional na industria da tecnoloxía médica, desenvolvendo proxectos desde lanzamentos de produtos ata estratexias de desenvolvemento de terapia no sector sanitario, decidín fundar o centro médico da diabetes que en poucos anos sería un referente no sector en España, adquirida en 2019 por unha multinacional para ampliar o modelo que tiñamos creado en todo o mundo. Agora, de volta en Galicia, estou centrada en crear empresas de éxito a partir de proxectos con impacto na saúde e na ciencia e axudar a outras empresas a tomar ese camiño. Emprendedora e apaixoada pola creación e desenvolvemento de empresas con impacto positivo na nosa contorna.